प्रतिनिधि सभाको उपसभामुखमा पुष्पा भुसाल निर्वाचित।
काठमाडौं। नेपाली कांग्रेस सांसद पुष्पा भुसाल प्रतिनिधि सभाको उपसभामुखमा निर्वाचित भएकी छन्।
शुक्रबार प्रतिनिधि सभामा भएको निर्वाचनमा उनी सत्तारूढ गठबन्धनका तर्फबाट उपसभामुखमा निर्वाचित भएकी हुन्। भुसालले १४८ मत पाइन्।
उनी दोस्रो पटकको प्रयासमा उपसभामुख बनेकी हुन्। यसअघि २०७४ सालमा भएको निर्वाचनमा उनी नेकपा (एमाले) की शिवमाया तुम्बाहाङ्फेसँग पराजित भएकी थिइन्।
तत्कालीन सभामुख कृष्णबहादुर महराले राजीनामा दिएपछि नयाँ सभामुखको चुनाव हुँदा उनले राजीनामा दिएकी थिइन्। संवैधानिक व्यवस्था अनुसार प्रतिनिधि सभाको सभामुख र उपसभामुख एउटै पार्टीको हुन मिल्दैन।
तत्कालीन नेकपाबाट अग्निप्रसाद सापकोटा सभामुख बन्ने भएपछि उनले उपसभामुखबाट राजीनामा दिनुपरेको थियो। त्यसयता उपसभामुख पद रिक्त रहेको थियो।
यो खबर पढेर तपाईलाई कस्तो महसुस भयो ?
+1
+1
+1
+1
+1
