पछिल्लो २४ घण्टामा थप ६ हजार ८२७ संक्रमित, १० जनाकाे मृत्यु।
१४ माघ २०७८, काठमाडौं।
पछिल्लो २४ घण्टामा देशभर थप ६ हजार ८२७ जनामा कोरोना भाइरसको संक्रमण पुष्टि भएको छ।
देशभरका विभिन्न प्रयाेगशालामा १३ हजार ७९१ जनाको पिसिआर परीक्षण गर्दा ४ हजार ८०७ जना र ६ हजार ७८ जनाको एन्टिजेन परीक्षण गर्दा २ हजार २० जना गरी ६ हजार ८२७ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएकाे छ ।
यही अवधिमा थप १० जना काेराेना संक्रमितले ज्यान गुमाएका छन् । यससँगै हालसम्म नेपालमा काेराेना भाइरसबाट मृत्यु हुनेकाे संख्या ११ हजार ६९७ पुगेकाे छ ।
यसैगरी ५ हजार ४३२ संक्रमित काेराेनामुक्त भएका छन् भने हाल देशभर ८९ हजार ९४१ जना सक्रिय संक्रमित रहेका छन् ।