काठमाडौं उपत्यकामा थपिए ४ हजार ६७६ कोरोना संक्रमित।
१० माघ २०७८, काठमाडौं।
काठमाडौं उपत्यकामा चार हजार ६७६ जना कोरोना संक्रमित थपिएका छन्। गत २४ घण्टाभित्र गरिएको परीक्षणबाट उपत्यकाका तीन जिल्लामा ती संक्रमित थपिएका हुन्।
स्वास्थ्य तथा जनसंख्या मन्त्रालयका अनुसार गत २४ घण्टामा सबैभन्दा बढी काठमाडौंमा तीन हजार ६३४ जना संक्रमित थपिएका छन्। यस्तै, ललितपुरमा ५८७ र भक्तपुर जिल्लामा ४५५ संक्रमित थपिएको मन्त्रालयले जानकारी दिएको छ।
गत २४ घण्टामा देशभर १० हजार ३१९ जना नयाँ थपिएसँगै सक्रिय संक्रमितको संख्या ८२ हजार ५५० पुगेको मन्त्रालयले जनाएको छ।
यो खबर पढेर तपाईलाई कस्तो महसुस भयो ?
+1
+1
+1
+1
+1
