भारतीय नागरिक हतियार सहित २ जना पक्राउ।

१५ पुष २०७८  अमरेस कुमार पाण्डेय, बारा।

बाराबाट दुई जना भारतीय नागरिक अवैध हतियारसहित पक्राउ परेका छन् ।

प्राप्त समाचार अनुसार बारा सिम्रौनगढ़ नपा. ८ पातलो नहर चोक स्थित भारतबाट नेपाल तरफ BR-505 AJ 4420को भर्तीयनमवत प्लेटमा आउँदै गरेको दुई जना व्यक्तिहरूलाई सशस्त्र प्रहरी बाहिनीबाट स्क्वाडमा खटिएका सशस्त्र प्रहरी बरिष्ठ हवल्दार अशोक साह सोनारको कमाण्डमा खटिएको ५ जनाको टोलीले सुराकीको आधारमा शंका लागि चेकजाँच गर्दा भारत बिहार जिल्ला पूर्वी चम्पारण मोतिहारी डेका ग्राम पंचायत-१३ बस्ने वर्ष २१ का चन्दन राम र सोही ठाउँका २० वर्षीय अभिषेक कुमारको साथबाट Automatic USA लेखेको एक थान पेस्तोल, ७.६mm राउण्ड२ थान, सोही पेस्तोलमा प्रयोग हुने मैगजिन एक थान, चक्कू-१, भारतीय रुपियाँ छ सय दुई, लागुऔषध गाँजा २०० ग्राम, आधार कार्ड २ वटा, एटीएम थान-१, भारतीय सवारी चालक अनुमति पत्र थान-१, भाट लेखिएको १ थान सिक्का र मोटरसाइकिल सहित निजहरूलाई लिइएको सशस्त्र प्रहरी बलले जनाएको छ ।

हतियार सहित नियन्त्रणमा लिइएका निजहरूलाई थप कार्यवाहीको लागि इलाका प्रहरी कार्यालय , सिम्रौनगढ़ पठाईएको छ। सशस्त्र प्रहरीले जनाएको छ ।