एल क्लासिकोमा बार्सिलोनाको शानदार जित।
०७ चैत्र, काठमाडौं।
स्पेनिस ला लिगा फुटबल अन्तर्गत एल क्लासिकोमा बार्सिलोनाले शानदार जित दर्ता गरेको छ।
बार्सिलोनाले रियल मड्रिडलाई उसकै मैदानमा ४–० ले पराजित गरेको हो। बार्सिलोनाका लागि पिएर एमरिकले दुई तथा अराउजो र टोरेजले एक एक गोल गरेका हुन् ।
यसअघिका पाँच एल क्लासिकोमा विजयी भएको रियल मड्रिड आइतबार राति भएको खेलमा भने फराकिलो गोल अन्तरले पराजित भयो । बार्सिलोना पछिल्लो १२ खेलमा अपराजित रहेको छ ।
पराजित भएर पनि रियल मड्रिड २९ खेलबाट ६६ अंकसहित शीर्ष स्थानमा छ । तेस्रो स्थानको बार्सिलोनाको २८ खेलबाट ५४ अंक भएको छ । दोस्रो स्थानमा रहेको सेभिल्लाको २९ खेलबाट ५७ अंक छ ।
ला लिगा अन्तर्गत आइतबार राति भएका अरु खेलमा स्पानियोलले मालोर्का तथा काडिजले भिल्लारियललाई समान १–० ले पराजित गरेका छन् । यस्तै सेल्टा डि भिगो र रियल बेटिस तथा सेभिल्ला र रियल सोसिडाडले गोलरहित बराबरी खेलेका छन् ।
यो खबर पढेर तपाईलाई कस्तो महसुस भयो ?
+1
+1
+1
+1
+1
