सिरहामा छुरा प्रहार गरि हत्या गरेको आरोपमा ५ जना पक्राउ।
७ पुष २०७८, प्रदिप सिंह सिरहा
सिरहा गोलबजार नगरपालिका ६ डोहटियामा छुरा प्रहारबाट हत्या घटनामा संलग्न रहेको आरोपमा प्रहरीले आज पाँच जनालाई पक्राउ गरेको छ ।
पक्राउ पर्नेमा जिल्लाको गोलबजार–२ का २२ वर्षीय भुवन प्रसाद महतो, वडा नं. ६ का १९ वर्षीय श्रवण कुमार मण्डल, २० वर्षीय कालु भन्ने रोहन विश्वकर्मा, १८ वर्षीय सौकात खान र १९ वर्षीय धर्मेन्द्र यादव रहेको जिल्ला प्रहरी कार्यलय सिरहाका सुचना अधिकारी सुभाष बुढाथोकीले जानकारी दिए ।
शनिवार राति घर जाने क्रममा गोलबजार नगरपालिका ६ डोहटियाका अन्दाजी २६ बर्शिय रामकुमार सदाय र १९ वर्षिय निकेश सदायमाथि अपरिचित यूवाहरुको समूहले छु’रा प्रहार गरेका थिए । छात्तीमा छु’रा लागेका रामकुमारको मृत्यु भएको थियो भने स्थानीय निकेश सदा घाइते भएको थियो ।
यो खबर पढेर तपाईलाई कस्तो महसुस भयो ?
+1
+1
+1
+1
+1
