जनकपुरबाट भैरहवा जाँदै गरेको बस खोलामा खस्दा ९ जनाको मृत्यु।
२२ जेठ, काठमाडौं।
जनकपुरबाट भैरहवा जाँदै गरेको यात्रुबहाक बस दुर्घटना हुँदा ९ जनाको मृत्यु भएको छ।
आज बिहान करिब ४:३० बजेतिर रूपन्देहीमा बस दुर्घटना भएको प्रहरीले जनाएको छ। बस सडकबाट रोहिणी नदीमा खसेको थियो । रोहिणी गाउँपालिका वडा नम्बर ३ र ओमसतिया गाउँपालिका वठा नम्बर ४ मा पर्ने बसन्तपुरस्थित पुलबाट रोहिणी नदीमा बस खसेको प्रहरीको भनाइ छ ।
लु २ ख ३८४१ नम्बरको बसमा बसमा ३३ जना सवार रहेको रुपन्देही प्रहरी प्रवक्ता डीएसपी नवरत्न पौडेलले बताए।
घाइतेहरुको प्रहरीले उद्धार गरेर अस्पताल पुऱ्याएको छ।
दुर्घटनामा २४ जना घाइते भएको प्रहरीले जनाएको छ।
घाइतेको भैरहवास्थित भीम अस्पताल, सिद्धार्थनगर •सिटी अस्पताल र युनिभर्सल मेडिकल कलेजमा उपचार भइरहेको छ।
यो खबर पढेर तपाईलाई कस्तो महसुस भयो ?
+1
2
+1
3
+1
1
+1
35
+1
4
