पिएम कप क्रिकेटमा आज चार खेल – किर्तिपुरमा कर्णाली र सुदूरपश्चिम भिड्दै।
२९ पुष २०७८, काठमाडौं।
प्रधानमन्त्री कप राष्ट्रिय ट्वान्टी-२० क्रिकेट प्रतियोगितामा आज चार खेलहरु हुँदैछन् । कीर्तिपुरस्तिथ त्रिवि मैदानमा दुई र मूलपानी मैदानमा दुई खेलहरु हुनेछन् ।
किर्तिपुर मैदानमा हुने पहिलो खेलमा समूह ए बाट कर्णाली र सुदूरपश्चिम प्रदेश आमने सामने हुनेछन् । यसअघिका दुई खेलमा एक जित र एक हारको नतिजा निकालेको कर्णालीको २ अंक छ । कर्णालीले समूहको पहिलो खेलमा प्रदेश १ लाई ३१ रनले हराएको थियो भने सुदूरपश्चिमसँग ६३ रनले हारेको थियो ।
समूहको दोस्रो खेल खेल्न लागेको सुदूरपश्चिमले भने यसअघि आफ्नो पहिलो खेलमा नेपाल पुलिससँग २ रनको हार ब्यहोरेको थियो ।
किर्तिपुरमै हुन दोस्रो खेलमा समूह बीबाट प्रदेश २ र लुम्बिनी भिड्दैछन् । एपीएफसँग २४ रनले हारेको प्रदेश २ ले दोस्रो खेलमा गण्डकीलाई २ विकेटले पराजित गरेको थियो । लुम्बिनीले भने यसअघि पहिलो खेलमा वागमती प्रदेशसँग ४९ रनको हार ब्यहोरेको थियो ।
मूलपानी मैदानमा आज हुने पहिलो खेल समूह ए मा रहेका आर्मी र प्रदेश १ बीच हुनेछ । अघिल्ला दुई खेलमध्ये कर्णाली प्रदेशलाई ६३ रनले हराए पनि नेपाल पुलिससँग ४ विकेटले पराजित भएको आर्मीका लागि आजको खेल जित्नैपर्ने छ । प्रदेश १ ले पनि एक खेल खेलेकोमा कर्णालीसँग ३१ रनले परजित भएको थियो ।
मूलपानीमा हुने दोस्रो खेल समूह बी मा रहेका एपीएफ र गण्डकी प्रदेशबीच हुनेछ । गण्डकीले यसअघि पहिलो खेल प्रदेश २ सँग २ विकेटले हारेको थियो एपीएफभने अघिल्ला दुवै खेल जितेर समूहको शीर्ष स्थानमा छ एपीएफले पहिलो खेलमा प्रदेश २ लाई २४ रनले हराएको थियो भने दोस्रो खेलमा वागमती प्रदेशमाथि ७ विकेटको जित निकालेको थियो ।