१४ पुष २०७८, काठमाडौं।
काठमाडौंको नयाँ बसपार्कस्थित एक होटलमा महिलामाथि सामूहिक बलात्कार भएको छ। सुर्खेतबाट काम खोज्दै काठमार्डो आएकी महिलामाथि मंगलबार सामूहिक बलात्कार भएको हो
काठमाडौं प्रहरी प्रमुख एसएसपी सुदीप गिरिका अनुसार सुर्खेत घर भएकी ३३ वर्षीया महिलामाथि ९ जना पुरुषले सामूहिक बलात्कार गरेका हुन्। मंगलबार दिउँसो ती महिला आफै प्रहरी कार्यालय पुगि उजुरी दिएपछि घटना बाहिरिएको हो । उहाँ बसपार्कको भूगोलका बारेमा त्यति परिचित हुनुहुँदो रहेनछ, उजुरी दिँदा बसपार्क मात्र भनिरहनुभएको थियो, एसएसपी गिरीले भनेपछि सिसिटिभी फुटेजका आधारमा एक जना पुरुष पक्राउ परेपछि बलात्कारमा संलग्न अन्य ८ जनापनि पक्राउ परेको उनले बताए। पक्राउ पर्नेमा मुगुका युवराज बडुवाल, हिक्मत नेपाली, रतन नेपाली, सुरेश सेजुवाल, दीपक नेपाली, शिवहरि बुढा, गोपालकुमार श्रीस र थप एकजनाको भने परिचय खुलिसकेको छैन।

प्रहरीको प्रारम्भिक अनुसन्धानबाट ती महिलालाई ललाईफकाई गरेर एक पुरुषले होटलमा लगेका थिए । ती व्यक्ति युवराज बडुवाल थिए। पछि उनैले फोन गरेर आफ्ना साथीहरुलाई बोलाई महिलामाथि सामूहिक बलात्कार गरेको पाइएको छ । महिलामाथि सोमबार साँझदेखि मंगलबार दिउँसोसम्म सामूहिक बलात्कार भएको प्रहरीले जनाएको छ।

बलात्कृत महिला प्रहरीमा पुगेपछि तत्काल स्वास्थ्य परीक्षणका लागि थापाथलीस्थित प्रसुती गृह पुर्याइएको थियो महिलाको वयान र सिसिटिभी फुटेजका आधारमा मंगलबार नै सात जनालाई पक्राउ गरिएको एसएसपी गिरीले बताए । एकजनालाई बुधबार पक्राउ गरिएको हो । घटनामा ९ जनाको संलग्ना रहेको पनि प्रहरीले जनाएको छ। थप एकको खोजी भइरहेको गिरीले बताए ,घटनाबारे थप अनुसन्धान जारी छ।