प्रचण्डले शनिबार नै ओलीसँग भेट्ने तय भएको थियो । यद्यपि, प्रचण्ड पूर्वी नेपालबाट काठमाडौं फर्किने क्रममा प्लेन डिले भएपछि आइतबार भेट भएको एमाले स्रोतले लोकान्तरलाई जानकारी दियो । राष्ट्रिय सभा निर्वाचन नजिकिँदै गर्दा दलहरूबीच तालमेलको प्रयास भइरहेको छ । दलका नै प्रदेश सांसद र पालिकाका प्रमुख/उपप्रमुख मतदाता हुने निर्वाचनमा गठबन्धन नगरी जीत निकाल्न मुस्किल छ । साथै, आसन्न प्रतिनिधिसभा निर्वाचनमा पनि दलहरूबीच तालमेल गर्नुपर्ने विषय भित्र-भित्रै उठिरहेको छ ।