नेपाली कांग्रेसले प्रधानमन्त्री पुष्पकमल दाहाल ‘प्रचण्ड’लाई विश्वासको मत दिएर सरकारमा जाने निर्णय गरेको छ ।
संघीय संसद भुवनको शंकर हलमा आज विहान बसेको कार्यसम्पादन समितिको बैठकले भोली प्रधानमन्त्रीलाई विश्वासको मत दिएर सरकारमा जाने निर्णय गरेको हो ।
कांग्रेस सरकारमा जाने निर्णयसँगै संसदमा सत्ता पक्षको कुर्सीमा बस्ने भएको छ । सरकारमा सहभागी हुने निर्णय गरेपनि कसको नेतृत्वमा जाने र कसलाई मन्त्री बनाउने तय हुन बाँकी छ ।
यसअघि संसदमा कांग्रेस र एमालेले प्रमुख प्रतिपक्षी दाबी गर्दा संसद बैठक प्रभावित भएको थियो ।
गत पुस २६ मा प्रधानमन्त्री प्रचण्डलाई विश्वासको मत दिए पनि कांग्रेस प्रतिपक्षमै बसेको थियो । एउटै कार्यकालमा प्रधानमन्त्री दाहाललाई कांग्रेसले विश्वासको मत दिन लागेको यो दोस्रो पटक हो ।
प्रतिक्रिया
सम्बन्धित खवर
