राजबिराज जेसिसको साप्ताहिक कार्यक्रम शुरू।

१४ मंसिर २०७८, सप्तरी – नविन यादव

राजबिराज जेसिसको आयोजनामा आज मंगलबार देखी साप्ताहिक कार्यक्रम सुरू गरिएको छ।

राजबिराज जेसिस बर्ष २०२१ का अध्यक्ष जेसि सिद्धार्थ तातेडको अध्यक्षता तथा निवर्तमान अध्यक्ष नानिमैया कटवाल लगायत सम्पुर्ण जेसिस सदस्यहरुको उपस्थितिमा जेसिस सप्ताह सुरु गरिएको छ।

आज पहिलो दिन राजबिराज जेसिस सप्ताह अन्तर्गत मंगलबार जेसिस परिसरको सरसफाइ र बृक्षारोपन कार्यक्रम सुरु गरिएको कार्यक्रमका मुल संयोजक रवी रायले बताउनु भएको छ।

यता साप्ताहिक कार्यक्रमहरूको नाम सर्वजानिक गर्दे, दोस्रो दिन नगर भित्रका फोहोर प्लाष्टिकको बोतल संकलन गरिने , तेस्रो दिन पाठ्यपुस्तक सामाग्री बितरण, चौथो दिन गजेन्द्र चोकमा सेनेटरी प्याड बितरण, पाँचौ दिन जेसिस भवनमा योगा शिबिर संचालन, छैठो दिन महेन्द्र बिन्देश्वरी क्याम्पसमा जेसिस जनचेतना, सातौ दिन अन्तर बिधालय बादविबाद प्रतियोगिता हुने जानकारी साप्ताहिक कार्यक्रमका मुल संयोजक रवी रायले HTP Khabar को समवदाता नविन यादव लाई बताउनु भएको छ।