नेकपाका एक नेता भन्छन्, ‘पछि एक सिट राष्ट्रपतिबाट मनोनीत हुँदा कांग्रेसले लिए भयो । अहिलेलाई ७ सिटमा उसका उम्मेदवार, एमालेका ६, हाम्रो ४ र जसपाको एक सिटमा उम्मेदवार हुने गरी सहमतिको प्रयास भएकोे छ ।’
४ सिट नपाए पार्टी भित्र समेत मिलाउन नसकिने भएकाले बरु गठबन्धन नै नगरेर जान सकिने मत पनि बलियो रहेको ती नेताले बताए । उनका अनुसार सात वटै प्रदेशमा उम्मेदवार तयार भएका छन् ।
राष्ट्रिय सभाका १९ जना सदस्यको कार्यकाल आगामी फागुन २० मा सकिँदैछ । त्यसमध्ये एक जना वामदेव गौतम मनोनीत सांसद हुन् । उनको ठाउँमा सरकारको सिफारिसमा राष्ट्रपतिले मनोनीत गर्नेछन् ।
बाँकी १८ पदका लागि आगामी माघ ११ मा निर्वाचन हुँदैछ । त्यसका लागि भोलि मनोनयन दर्ताको समय छ ।
