१९ पुष २०७८, काठमाडौं।
पाकिस्तानको राष्ट्रिय क्रिकेट टिमका पूर्वकप्तान तथा अलराउण्डर मोहम्मद हाफिजले अन्तर्राष्ट्रिय क्रिकेटबाट संन्न्यास लिएका छन्।
उनले पाकिस्तानका लागि ५५ टेस्ट, २१८ एकदिवसीय र ११९ ट्वेन्टी–ट्वेन्टी क्रिकेट खेलेका छन्। उनले १८ वर्ष पाकिस्तानको टिमबाट खेले।
पाकिस्तान क्रिकेट बोर्डले जारी गरेको वक्तव्यमा मोहम्मद हाफिजले भनेका छन्, ‘मैले आज गर्व र सन्तुष्टिका साथ अन्तर्राष्ट्रिय क्रिकेटबाट बिदा लिँदैछु। मैले आशा गरे भन्दा धेरै उपलब्धि हासिल गरेँ। मेरो खेल जीवनमा सहयोग गर्ने साथी खेलाडी, कप्तान, सहयोगी कर्मचारी र पाकिस्तान क्रिकेट बोर्डलाई धन्यवाद दिन चाहन्छु।’ हाफिजले पाकिस्तानका ३२ खेलमा कप्तानी गरेका थिए।
यो खबर पढेर तपाईलाई कस्तो महसुस भयो ?
+1
+1
+1
+1
+1
