तराईमा बाक्लो हुस्सु र कुहिरो, तीन प्रदेशमा हिमपातको सम्भावना
१८ पुष २०७८, काठमाडौं।
नेपालमा पश्चिमी वायुको प्रभाव कायमै रहेको जल तथा मौसम पूर्वानुमान महाशाखाले जनाएको छ । पश्चिमी वायुको प्रभावका कारण आज पनि देशभर आंशिक बदली रहनेछ ।
पश्चिमी तथा मध्य तराईका जिल्लामा बाक्लो हुस्सु र कुहिरो लागेको छ । प्रदेश–१, बागमती र गण्डकी प्रदेशका उच्च पहाडी तथा हिमाली भू-भागका एक/दुई स्थानमा हल्का हिमपातको सम्भावना रहेको छ ।
सोमबार पनि देशभर आंशिक बदली रहने महाशाखाले जनाएको छ । उच्च पहाडी तथा हिमाली भू-भाग हिमपातको सम्भावनाका साथै बिहान तराईमा बाक्लो हुस्सु/कुहिरोसमेत लाग्ने सम्भावना रहेकोले चिसोबाट जोगिन मौसमविद्ले अनुरोधसमेत गरेका छन् ।
यो खबर पढेर तपाईलाई कस्तो महसुस भयो ?
+1
+1
+1
+1
+1
