रास्वपाका नेता मनिष झा पार्टीको पहिलो महाधिवेशनमा महामन्त्री पदमा पराजित भएका छन् ।

उनले ‍आज सम्पन्न निर्वाचनमा उम्मेदवार बनेर गुट र टिके राजनीतिक अभ्यास नहोस् भनेर आफू निर्वाचन प्रक्रियामा सहभागी भएको बताएका छन् ।

त्यस्तै उनले नेतृत्वले स्वीकार गरेर निर्वाचन प्रक्रियालाई अघि बढाएकोमा नेतृत्वप्रति आभार पनि व्यक्त गरेका छन् ।

‘मेरो लागि निर्वाचन लोकतान्त्रिक प्रक्रिया हो। रास्वपा मा गुट र टिके राजनीतिक अभ्यास नहोस् भनेर गरिएको एक प्रयास थियो। नेतृत्वले स्वीकार गरेर निर्वाचन प्रक्रियालाई अगाडि बढाइदिनु भयो, आभारी छु,’ उनले भनेका छन्, ‘महाधिवेशनमा पदाधिकारी चयनको लागि भएको निर्वाचनमा म पराजित भएको छु र म यो परिणाम स्वीकार गर्छु।’