सन्दीपले डेजर्ट भाइपर्सबाट इन्टरनेसनल टी-२० लिग खेल्ने।
नेपाली राष्ट्रिय क्रिकेट टोलीका कप्तान सन्दीप लामिछानेले डेजर्ट भाइपर्सबाट युएईको फ्रेन्चाईज क्रिकेट यूएई इन्टरनेसनल टी-२० लिग खेल्ने भएका छन् ।
भाइपर्सले शुक्रबार युवा लेगस्पिनर सन्दीपलाई प्रतियोगिताका लागि अनुबन्ध गरिएको जनाएको हाे । उनी लिगको मार्की खेलाडी समेत थिए ।
सन्दीपकाे टाेलीमा शेल्डन कोट्रेल, वानिन्दु हसरंगा, एलेक्स हेल्स, कोलिन मुन्राे, साम विलिङ्स जस्ता स्टार खेलाडी छन् ।
ईमिरेट्स क्रिकेट बोर्डले आयोजना गर्ने प्रतियोगिता आगामी ६ जनवरी देखि १२ फेब्रुअरीसम्म हुनेछ । प्रतियोगितामा सहभागी हरेक टोलीले १२ विदेशीसहित १८ खेलाडी राख्न पाउने छन् ।
यस्तै, हरेक टोलीलाई तीन घरेलु खेलाडी, दुई एसोसिएट राष्ट्रका र एक यूएई यू-२३ खेलाडी अनिवार्य गरिएको छ । प्लेईङ-११ मा भने कम्तिमा एक जना युएई र एसोसियट राष्ट्रका खेलाडी हुनु पर्नेछ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
